Gems of Astrology in Tamil

ஆயுர்த்தாயம் அல்லது அஷ்டமபாவம்

பாலாரிஷ்டம்

பழமை வாய்ந்த நூல்களில் இருந்து பெறப்பட்ட தகவல்கள்.

1. லக்கினத்திற்கு அஷ்டமாதிபதி லக்கினாதிபதி இவர்கள் பாபர்களுடன் கூடியிருந்தாலும் அல்லது பார்க்கப்பட்டாலும், நீச்ச, மூட, அஸ்தங்க தோஷமடைந்து பாப ஷேத்திரத்தில் ராகு கேதுக்களுடன் கூடி இருந்தாலும், இவர்களுக்கு சுபர் திருஷ்டி இல்லாதிருந்தாலும் ஆயுள் குறையும் அல்லது ஆயுள் இல்லாமல் போய்விடும்.

2. ஜென்ம காலத்தில் லக்கினத்தில் குரூரக் கிரகமிருந்து லக்கினாதிபதியும் குரூரருடன் கூடினாலும், சந்திரன் பாபருடன் கூடி பாப ஷேத்திரத்தில் இருந்து சுபப் பார்வையை அடையாது இருந்தாலும், அஷ்டமாதிபதியும் பாபர் சம்பந்தமடைந்து சுப திருஷ்டி அடையாதிருந்தாலும், லக்கினத்திற்கு இருபுறமும், லக்கினத்திற்கு ஏழாம் இடத்திற்கு இரு புறமும் பாபர் இருந்தாலும் ராசி சந்திகளில் பிறந்திருந்தாலும் ஆயுள் குறைந்து விடும் அல்லது சீக்கிரம் மரணம் உண்டாகும்.

3. தேய் பிறை சந்திரன் எட்டடிலும், ஏழில் செவ்வாயும் இருந்து லக்கினாதிபதி பலவீனமாகி இரண்டாம் அம்சத்தில் இருந்து பூசம், பூராடம் இவற்றில் பிறந்தாலும், தேய்பிறை சந்திரன் விருச்சிகத்திலிருக்க, 7ல் சனியிருந்து, கடகம், மகரம், மீனம் இவைகளில் எதிலாவது ஒன்றில் ஜனனமாகி இருந்தாலும், ஷீணச் சந்திரன் ஆறில் அல்லது எட்டில் அல்லது பன்னிரண்டில் இருந்து திரிகோணங்களில் குரு , ரவி (சூரியன்) கூடியிருந்தாலும், ஷீணச் சந்திரன் 1-4-7-10 இல் இருக்க சுபர் கூடாதிருந்தாலும் இதற்கே 8 இல் பாவர் இருந்தாலும் 2 நாள் ஆயுளே உண்டாகும்.

4. ஜென்ம லக்கினத்திற்கு எட்டில் சுபர் இருந்து சூரிய சந்திரர் இருவரும் ஜென்ம நக்க்ஷத்திரத்திற்கு 3 வது நக்க்ஷத்திரத்தில் இருந்து இவருடன் கேது கூடினால் பிறந்த 3 நாளிலும் 

5. ஜென்ம லக்கினத்திற்கு மூன்றில் சூரிய சந்திரர் இருவரும் இருந்து செவ்வாய் கடகாம்ச மடைந்தால் பிறந்த 4 நாளிலும் மரணமுண்டாகும்.

6. ஜென்ம லக்கினத்திற்கு நான்கில் சூரியனும் திரிகோணத்தில் பாவருடன் கூடி சந்திரனும் இருக்கில் 5 நாள் ஆயுளும்

7. ஜென்ம லக்கினம் எதுவானாலும் லக்கினத்தில் செவ்வாய் சூரியன் இவர்களிருந்து, இவர்களுக்கு ஏழில் சந்திரனும் இருந்து மேற்படி லக்கினாதிபதி மூடமானால் 6 நாள் ஆயுளும்

8. ஜென்ம லக்கினத்திற்கு கேந்திரங்களில் சூரியன் சனி செவ்வாய் இவர்கள் இருந்தால் 10 நாள் அல்லது 10 மாதம் அல்லது 10 வருஷம் ஆயுளும் உண்டாகும்.

9. ஜென்ம லக்கினத்திற்கு 5-7-12 இவ்விடங்களில் சூரியன் சந்திரன் சனி இவர்கள் இருந்தால் பிறந்த ஜாதகன் தன் தகப்பன் தாய் இவர்களையும் நாசம் செய்து தானும் நாசமாவான்.

10. ஜென்ம லக்கினத்திற்கு 6-8-12 இல் சந்திரனிருந்து குரூரக் கிராகர்களால் பார்க்கப்பட்டும் இருந்தால் ஸத்தியோரிஷ்டம் நேரிடும். மேற்படி சந்திரன் சுபர்களால் பார்க்கப்பட்டு இருந்தால் 8 வருஷம் வரை ஆயுளுடனிருப்பார்கள். வக்கிரமடைந்த சுபர்கள் குரூரர்களால் பார்க்கப்பட்டிருந்தாலும் இதற்கே லக்கினத்தில் ஒரு சுபரும் இல்லாதிருந்தாலும் பிறந்த சிசு ஒரு மாதம் வரை உயிருடனிருக்கும்.

11. ஜென்ம லக்கினத்திற்கு ஐந்தில் சூரியன் சனி சந்திரன் செவ்வாய் இவர்கள் இருந்தால் அந்த ஜாதகனுடைய தாயும் சகோதிரரும் சீக்கிரமே மரணமடைவார்கள்.

12. ஜென்ம லக்கினத்தில் செவ்வாய் இருந்து பாபரால் பார்க்கப்பட்டு இருந்தாலும் அப்போது அஷ்டமத்தில் பாபரிருந்தாலும் லக்கினத்திற்கு இரண்டில் பாபர் இருந்தாலும்

13. ஜென்ம ல்க்கினத்தில் செவ்வாய் இருந்து ஏழாம் இடத்தில் சனி இருந்தாலும் அல்லது ஜென்ம லக்கினத்தில் சனியும் சப்தமத்தில் செவ்வாயுமிருந்தாலும், 2-8ம் இடங்களில் பாபரிருந்தாலும்,

14. சூரிய சந்திர ராசிகள் இவ்வாறாகிச் சந்திர சூரியரின் கூட ராகு கூடியிருந்தாலும், சனி செவ்வாய் இவர்களால் லக்கினம் பார்க்கப்பட்டாலும், அப்போது பிறக்கும் சிசு ஒரு பக்ஷம் தான் உயிருடன் இருக்கும்.

15. ஜென்ம லக்கினத்திற்குப் பத்தில் சனியும், ஆறில் சந்திரனும், எழில் செவ்வாயும் இருந்தால் ஜனித்த சிசு தாயாருடன் கூட மரிக்கும்.

16. ஜென்ம லக்கினத்தில் சனியும், எட்டில் சந்திரனும், 3ல் குருவும் இருந்தால் சிசு சீக்கிரமே மரித்து விடும்.

17. ஜென்ம லக்கினத்தில் ஒன்பதில் சூரியனும், எழில் சனியும், பதினொன்றில் குரு சுக்கிரரும் இருந்து, சூரிய ஓரையிலும் ஜனித்தால் சிசு ஒரே மாதம் தான் உயிருடன் இருக்கும்.

18 ஜென்ம லக்கினத்திற்கு பன்னிரண்டில் (எல்லா கிரகங்களும் இருந்தாலும்,) சூரியன், சுக்கிரன், ராகு, இவர்கள் இருந்தாலும், வெகுவாக சிசு நாசத்தை அடையும். இவர்கள் பார்த்தாலும் இப்படியே ஆகும்.