Sithars Profile Matching Software

Share this post

திருமண தகவல் மைய மென்பொருள்

இணையத்தில் பல திருமண சேவை மையங்கள் இருந்தாலும், மணமக்களை பற்றிய தகவல்களை சேமித்து வைத்து, அதனை தேவையான பொழுது தேடி எடுத்து, சரியான பொருத்தமுடைய ஜாதகத்தோடு இணைப்பதென்பது சுலபமான காரியம் இல்லை. மணமக்களின் விவரங்களை ஆராய்ந்து சரி பார்த்து பொருத்தமான வரனை அமைத்துக் கொடுப்பது திருமண தகவல் மைய அமைப்பாளர்கள் வேலை. தம்மை தேடி வரும் பெற்றோர்களின் நம்பிக்கையை பெற வேண்டுமெனில் அவர்களுடைய பிள்ளைக்கு சரியான துணையின் ஜாதகங்களை கொடுக்க வேண்டும். இல்லையெனில் அவர்களின் எதிர்பார்ப்பை நிவர்த்தி செய்வது இயலாத காரியமாகிவிடும்.

சில பெற்றோர்கள் தங்களுக்கு இந்த பணி செய்யும் ஆண் அல்லது பெண் தான் வேண்டும் என்பார்கள். உதாரணத்திற்கு சொல்ல வேண்டுமானால். அரசு பணி, தனியார் பணி, ஆசிரியர், சாப்ட்வேர் என்ஜினீயர் போன்ற பணிகளைச் சொல்லலாம்.

சில பெற்றோர்கள் தனக்கு இந்த கல்வித் தகுதி உள்ள வரன் தான் வேண்டும் என்று சொல்வார்கள். உதாரணத்திற்கு 8^th, 10^th, 12^th, டிப்ளமா, டிகிரி, BE, MCA, ME போன்ற கல்வித் தகுதிகளை சொல்லலாம்.

சிலர் தங்களுக்கு இந்த வகைக் குடும்பம் மட்டுமே வேண்டும் என்று சொல்வார்கள். உதாரணத்திற்கு கோவை மாவட்டத்தைச் சேர்ந்தவர்கள் கொங்கு மண்டலத்தைச் சேர்ந்த வரன்களை மட்டுமே கேட்பார்கள்.

சிலர் தங்களுக்கு மாநிறம் உள்ள வரன் வேண்டும் என்றும், சிலர் தங்களுக்கு இந்த ஜாதி, இந்த கூட்டம், இந்த குலதெய்வத்தை வழிப்படுபவர்கள், இந்த பூர்வீகத்தை சேர்ந்தவர்கள், இந்த குடும்பத்தைச் சேர்ந்தவர்கள், வேண்டும் என்றும் கேட்பார்கள். இத்தனை விருப்பங்களுடன் வரும் பெற்றோர்களுக்கு பொருத்தமான ஜாதகங்கள் தேடி எடுத்துக் கொடுக்க வேண்டும் எனில் ஒரு நாள் ஒரு குடும்பத்துக்கு போதாது. மேலும் நட்சத்திரப் பொருத்தம் உள்ள ஜாதகம் மட்டுமே வேண்டும் என்று கேட்கும் பெற்றோருக்கு, அந்த ஜாதகருக்கு இருக்கும் ராசி, நட்சத்திரத்திற்கு பொருந்தும் ராசி மற்றும் நட்சத்திரம் உள்ள ஜாதகம் மட்டுமே கொடுக்க வேண்டும். இது நம் வேலையை இன்னமும் சிக்கலில் ஆழ்த்திவிடும். சில தோஷமுள்ள ஜாதகங்களுக்கு அதே தோஷமுள்ள ஜாதகமும், தோஷமில்லாத ஜாதகத்திற்கு தோஷமில்லாத ஜாதகத்தையும் கொடுக்க வேண்டும். உதாரணத்திற்கு செவ்வாய், ராகு, கேது தோஷங்களைச் சொல்லலாம். அப்படியே தோஷம் இருந்தாலும் சில ஜாதகங்களுக்கு பரிகார தோஷங்கள் (இந்த தோஷங்களை சில பரிகாரங்கள் மூலம் நிவர்த்தி செய்துக் கொள்ளலாம்) இருக்கும். அவ்வாறான ஜாதகங்களுக்கு தக்க ஜாதகங்களை தேடி கொடுக்க வேண்டும். மேற் கூறியதைப் போன்று பல சிக்கல்கள் இருப்பதாலும், சில திருமணத் தகவல் மையங்கள் தங்கள் சமுதாய மணமகன் மற்றும் மணமகள்களுக்கு இடைத் தரகர்கள் இல்லாமல், அவர்கள் விரும்பும் வண்ணம் வரன் அமைய, ஜாதகங்களை வாங்கி, அவற்றை சேமித்து வைத்து அதற்குரிய வரன்கள் கிடைக்கும் பொழுது பரிமாறிப் பயனடைந்துக் கொள்கின்றனர். அவ்வாறு உள்ளவர்களையும் கருத்தில் கொண்டும் உருவாக்கப்பட்டது தான் இந்த “Sithars Wedding Information Software” மென்பொருள். இந்த மென் பொருளில் பல சிறப்பம்சங்கள் உள்ளது. அவை

வரன்களை பதிவேற்றும் வசதி
குலதெய்வங்களை குறிப்பிடும் வசதி
நிறம், உயரம், எடை போன்றவற்றை குறிப்பிடும் வசதி
எதிர்பார்ப்புக்களை குறிப்பிடும் வசதி
சொத்து விபரங்களை குறிப்பிடும் வசதி
குலதெய்வம், பூர்வீகம் போன்றவற்றை சேமித்து வைக்கும் வசதி
ஜாதகத்தில் உள்ள தோஷங்கள் குறிப்பிடும் வசதி
தோஷம் உள்ள ஜாதகங்களுக்கு பொருந்தும் ஜாதகங்களை தேடும் வசதி
கல்வித் தகுதி, வேலை, வேலை செய்யும் இடம், பெற்றோர் மற்றும் உடன் பிறந்தோர் போன்ற தகவல்களை சேமித்து வைத்து பின்தேவைப் படும் பொழுது தேடி எடுக்கும் வசதி
வரனுக்கு திருமணம் முடிந்தவுடன் அதனை archive செய்யும் வசதி
வரன்களுக்கு SMS செய்யும் வசதி
தகவல்களை backup எடுக்கவும் மற்றும் restore செய்யவும் வசதி
ராசி மற்றும் நவாம்சம் ஜாதக கட்டங்களை உள்ளீடு செய்து, அதனை சேமித்து வைத்து, அதன் உதவியுடன் அதற்கு பொருத்தமான ஜாதகத்தை தேடி எடுக்கும் வசதி. சித்தர்ஸ் திருமண தகவல் மைய மென்பொருள் எவ்வாறு இருக்கும் என்பதை கொடுக்கப்பட்டுள்ள வீடியோ மூலம் அறிந்துக் கொள்ளலாம்.

Share this post

திருமண தகவல் மைய மென்பொருள்

Comments